topखेलकुद

मलेसियाले नेदरल्याण्ड्सको सामना गर्दै, नेपालको नजर नतिजामा

0

काठमाडौं, बैशाख ८ गते । नेपाल सम्मिलित त्रिकोणात्मक श्रृखंलाको पाँचौं खेलमा मलेसियाले नेदरल्याण्ड्सको सामना गर्दैछ । प्रतियोगिताको पहिलो खेलमा नेदरल्याण्ड्ससँग मात्र १५ रनले हार बेहोरेको मलेसियाले आजको खेल जित्ने लक्ष्यसहित रङशालामा उत्रिनेछ ।
कीर्तिपुरस्थित त्रिवि क्रिकेट ग्राउन्डमा मध्यान्ह १२ बजेपछि उक्त खेल हुनेछ ।

पहिलो दुबै खेलमा हार बेहोरेको मलेसियाले प्रतियोगिताको फाइनलमा पुग्ने सम्भाबनालाई जिवित राख्न नेदरल्याण्ड्स बिरुद्धको खेल जित्नैपर्ने हुन्छ । नेदरल्याण्ड्सले भने मलेसियालाई सामान्य अन्तरले हराएको अवस्थामा समेत फाइनलमा स्थान सुनिश्चित गर्नेछ । नेदरल्याण्ड्सले पहिलो खेलमा नेपालसँग हार बेहोरेपनि दोस्रो खेलमा मलेसियालाई र तेस्रो खेलमा नेपाललाई हराएको थियो । नेदरल्याण्ड्सले आफ्नो अन्तिम खेलमा मलेसियालाई हराए फाइनलका लागि स्थान सुनिश्चित गर्नेछ ।

नेपाल बिरुद्धको आफ्नो दोस्रो खेलमा २०६ रनको सफलतापूर्बक पछ्याएको नेदरल्याण्ड्स भने मलेसिया बिरुद्ध उच्च मनोबलका साथ मैदानमा उत्रिनेछ । प्रतियोगितामा जिवित रहन नेदरल्याण्ड्सलाई हराउनैपर्ने भएकोले मलेसिया क्रिकेट टोलि पूर्ण शक्तिसहित सामना गर्नेछ ।
नेदरल्याण्ड्सले मलेसियालाई हराएको अवस्थामा नेपाल लिगको एक खेल अगावै फाइनल पुग्नेछ ।

नेपालले लिगको अन्तिम खेलमा मलेसियाको सामना गर्नेछ । मलेसियाले भने बाँकी दुबै खेलमा जित हात पारेपनि नेपाल फाइनलमा पुग्ने सम्भाबना जिवितै रहन्छ । नेट रन रेट उत्कृष्ट रहँदा लिग चरणमा तीनै टोलिले जित हात पार्ने अवस्थामा समेत नेपाल फाइनलमा पुग्नेछ ।

नेपालबाट भारततर्फ लैजाँदै गरेको १९ केजी गाँजासहित पक्राउ

Previous article

नेपालद्वारा मलेसियालाई २१८ रनको लक्ष्य

Next article

You may also like

Comments

Leave a reply

Your email address will not be published. Required fields are marked *

More in top